Conscurso Constitución XXXII Edición

Volvemos de vacacións co primeiro concurso no que participaremos este ano. 

Como vén sendo habitual por estas datas, a Subdelegación do Goberno en Ourense convoca o Concurso da Constitución conmemorando o seu aniversario. O lema para esta XXXII edición é “Das Cortes Xerais” (Título III), Capítulo 1º “Das Cámaras”.

Podedes botar unha ollada ás bases do concurso aquí.

Moito ánimo

Comeza un novo ano escolar

Benvidos un curso máis ao blogue de Xeografía e Historia para alumnos de 2º B e 4º de ESO do Colexio Padre Feijoo-Zorelle.

Espero que tivésedes un excelente verán e que veñades todos con enerxía para afrontar o novo curso. Como xa sabedes aquí ireivos colgando información relativa á materia. 

Ánimo e a traballar!

Día das Letras Galegas

Esta semana os alumnos de 2º e 4º da ESO realizaron actividades para conmemorar o Día das Letras Galegas. Seguindo as actividades planificadas pola Deputación de Ourense, ambos os dous cursos recopilaron e presentaron interesante información.

Os estudantes de 2º da ESO B realizaron un mural sobre o Castro de Santomé. Situado preto de Ourense este espectacular conxunto histórico presenta restos de civilizacións asentadas no lugar dende hai máis de 2000 anos. Grazas ao estudo deste ben conservado castro, aprendemos máis sobre a cultura castrexa e a posterioir ocupación romana destes asentamentos.

 Paralelamente, cos alumnos de 4º da ESO B, adentrámonos na Ribeira Sacra. Estudamos os principais mosteiros así como os diferentes trazos artísticos que presentan. Ademáis, o feito de elaborar una ruta dende Ourense para visitar ordenadamente os máis importantes conxuntos histórico-artísticos, axudounos a poñer en práctica a nosa orientación na zona.

Datas controis terceira avaliación

Datas dos controis de Xeografía e Historia desta avaliación:

- 2º ESO B: xoves 14 de maio.
- 4º ESO A: venres 8 de maio.
- 4º ESO B: martes 12 de maio.

Moita sorte a todos!

Actividades do Festival do Libro

Con motivo do Día do Libro, os alumnos de 2º de ESO B e de 4º de ESO realizaron diferentes actividades que contribuíron a decorar o noso colexio.

Os alumnos de 2ºB participaron na actividade "Historia da Arte en Fascículos", deste xeito elaboraron pequenas guías de arte de diferentes estilos (Románico, Gótico, Renacemento, Barroco...). Este taller serviunos para repasar todos os contidos de arte vista ata o momento, ao mesmo tempo que desenvolvemos a nosa creatividade á hora de presentar a información.

Cos alumnos de 4º da ESO elaboramos un mural sobre a Historia Contemporánea de España. Igualmente, puidemos repasar os contidos vistos ata o momento na aula e aprendemos a esquematizar a información, e a presentar os diferentes acontecementos nunha liña do tempo.

Sen dúbida o Festival de Libro do colexio foi todo un éxito!

Datas exames segunda avaliación

Datas dos exames de Xeografía e Historia desta avaliación:

- 2º ESO B: xoves 19 de marzo.
- 4º ESO A: venres 13 de marzo.
- 4º ESO B: martes 17 de marzo.

Moita sorte a todos!

II Premio Estatuto de Autonomía de Galicia

Co obxecto de conmemorar o Estatuto de Autonomía, a Deputación de Ourense convoca o II Premio  Estatuto de Autonomía de Galicia de debuxo e redacción escolar. 

Este ano os estudantes da ESO elaborarán unha redacción baixo o tema “O Estatuto de Autonomía de Galicia: recoñecemento dunha nacionalidade histórica”. 

A data límite de presentación dos traballos é o vindeiro 18 de marzo.

Podes descargar as bases do premio aquí. 

Diferenzas entre rotación bienal e rotación trienal

Estas imaxes axudaranvos a entender as diferenzas entre a rotación bienal e a rotación trienal. Ambas as dúas técnicas buscan o máximo rendemento da terra mantendo a fertilidade desta grazas aos descansos. 

Con cal cres que se obtén unha maior produtividade e polo tanto un maior beneficio?

Datas controis febreiro 2015

Datas dos controis da segunda avaliación:

-         -   2º ESO B xoves 12.

-         -   4º ESO A venres 13.

-         -   4º ESO B martes 10. 

Exames de recuperación

O exame de recuperación dos contidos da primeira avaliación da materia de Xeografía e Historia, tanto para alumnos de 2º como de 4º de ESO, terá lugar o vindeiro 12 de xaneiro en horario de tarde.

Felices festas a todos!

Bo Nadal e bo comezo de ano. 

Vémonos o día 8 de xaneiro, que teñades boas festas!

Os alumnos realizan diferentes murais para conmemorar os 180 anos de historia provincial

Co gallo da Segunda Semana Escolar da Provincia e a súa Deputación  os alumnos de Xeografía e Historia de 2º e 4º da ESO realizaron diferentes murais que conmemoran a historia da provincia de Ourense.

Por unha banda, cos alumnos de 2º da ESO organizouse un concurso “Ourense, unha provincia única” no que os participantes analizaron a provincia dende diferentes puntos de vista: xeográfico, turístico, histórico, administrativo e termal.

Doutra banda, os alumnos de 4º da ESO A e B realizaron o seu mural sobre os ourensáns ilustres e sobre as augas embotelladas ourensás e as súas vantaxes para a saúde.

Diferentes traballos de recerca e manualidades que sen dúbida axudaron aos alumnos a coñecer mellor a realidade e a historia da provincia.

Datas dos exames da 1ª avaliación

Asimesmo, aproveito para lembrarvos as datas dos exames de Xeografía e Historia desta avaliación:

- 2º ESO B: xoves 11 de decembro
- 4º ESO A: venres 12 de decembro.
- 4º ESO B: martes 9, xoves de 11 decembro.

Moita sorte a todos!

Exercicios 2º ESO B, Tema 3

Unha vez estudiado o tema da arte románica é momento de poñer en práctica o aprendido.

Responde ás seguintes cuestións baseándote nas imaxes:

1. Identifica e sinala os elementos máis significativos da arquitectura románica.

2. Describe a estrutura dunha portada románica e explica as características da escultura.

3. Que características da pintura románica se reflicten nesta obra?

Concurso Constitución 2014

Un ano máis a Subdelegación de Goberno de Ourense organiza unha nova convocatoria do Concurso Constitución. O lema elixido para esta XXXI edición é: " De la Corona", Título II.

Os estudantes de calquera dos cursos de ensino secundario obrigatorio interesados en participar deberán presentar unha redacción, cunha extensión mínima de sete folios e máxima de doce, sobre a Coroa. 

Atención alumnos! O último día para entregar os traballos na Subdelegación de Goberno é o próximo 30 de outubro.

Animádevos! Se a vosa redacción se encontra entre as 20 mellores premiarásevos cunha viaxe a Madrid para visitar o Congreso e o Senado, ademais de realizar outras actuividades culturais e lúdicas. 

Esperamos a vosa participación.

Bases do concurso.

Introdución á materia 2º ESO

Ola alumnos!

Nesta primeira semana de clases introducimos a materia. Xa sabemos que a Historia é a ciencia que estuda o pasado dos seres humanos e que para iso, os historiadores a dividiron en diferentes períodos. Estes períodos son as idades da Historia.

Nesta primeira avaliación nós estudaremos a Idade Media, que como sabedes comeza no ano 476 coa caída do imperio romano de Occidente e remata en 1492 co descubrimento de América.
Ao longo dos próximos meses estudaremos, pois, os séculos V ao XV. Comecemos polo Imperio Bizantino!