Curiosidades: a orixe do himno francés

O actual himno francés, coñecido como A Marsellesa, foi escrito e composto o 25 de abril de 1792 polo poeta, músico e capitán de enxeñeiros Joseph Rouget de Lisle, destinado no batallón "Enfants da patrie" de Estrasburgo. Cinco días antes, o 20 de abril, proclamouse en París a guerra contra Austria. O día 24, cando o alcalde de Estrasburgo soubo a noticia, convocou a varios oficiais, entre eles a Rouget de Lisle. Durante a reunión, o alcalde pediulle que compuxese un himno patriótico para o exército do Rhin.

Rouget púxose ao choio, inspirándose para a letra nun cartel que vira na rúa coa proclama Aux armes, citoyens! ("Cidadáns, ás armas!"). Titulou o seu himno Canto de guerra para o exército do Rhin. Os soldados aprendérono e difundiron rapidamente por todo o país.

En xullo de 1792, voluntarios marselleses que marchaban cara a París entoárono ao entrar na capital; de aí vén o seu nome. A Marsellesa, o primeiro himno que non nomea a Deus, foi prohibido durante a etapa do Imperio e a Restauración e rehabilitado pola Revolución de 1830. Foi oficialmente consagrado como himno nacional francés en 1958.

Fonte: muyhistoria.es

Material de axuda tema 2

Aviso para os alumnos de 4º de ESO: xa podedes descargarvos o material complementario para o estudo e comprensión do segundo tema do curso “As revolucións políticas”.

Preme aquí.

Saúdo!

Conscurso Constitución XXXII Edición

Volvemos de vacacións co primeiro concurso no que participaremos este ano. 

Como vén sendo habitual por estas datas, a Subdelegación do Goberno en Ourense convoca o Concurso da Constitución conmemorando o seu aniversario. O lema para esta XXXII edición é “Das Cortes Xerais” (Título III), Capítulo 1º “Das Cámaras”.

Podedes botar unha ollada ás bases do concurso aquí.

Moito ánimo

Comeza un novo ano escolar

Benvidos un curso máis ao blogue de Xeografía e Historia para alumnos de 2º B e 4º de ESO do Colexio Padre Feijoo-Zorelle.

Espero que tivésedes un excelente verán e que veñades todos con enerxía para afrontar o novo curso. Como xa sabedes aquí ireivos colgando información relativa á materia. 

Ánimo e a traballar!

Día das Letras Galegas

Esta semana os alumnos de 2º e 4º da ESO realizaron actividades para conmemorar o Día das Letras Galegas. Seguindo as actividades planificadas pola Deputación de Ourense, ambos os dous cursos recopilaron e presentaron interesante información.

Os estudantes de 2º da ESO B realizaron un mural sobre o Castro de Santomé. Situado preto de Ourense este espectacular conxunto histórico presenta restos de civilizacións asentadas no lugar dende hai máis de 2000 anos. Grazas ao estudo deste ben conservado castro, aprendemos máis sobre a cultura castrexa e a posterioir ocupación romana destes asentamentos.

 Paralelamente, cos alumnos de 4º da ESO B, adentrámonos na Ribeira Sacra. Estudamos os principais mosteiros así como os diferentes trazos artísticos que presentan. Ademáis, o feito de elaborar una ruta dende Ourense para visitar ordenadamente os máis importantes conxuntos histórico-artísticos, axudounos a poñer en práctica a nosa orientación na zona.

Datas controis terceira avaliación

Datas dos controis de Xeografía e Historia desta avaliación:

- 2º ESO B: xoves 14 de maio.
- 4º ESO A: venres 8 de maio.
- 4º ESO B: martes 12 de maio.

Moita sorte a todos!

Actividades do Festival do Libro

Con motivo do Día do Libro, os alumnos de 2º de ESO B e de 4º de ESO realizaron diferentes actividades que contribuíron a decorar o noso colexio.

Os alumnos de 2ºB participaron na actividade "Historia da Arte en Fascículos", deste xeito elaboraron pequenas guías de arte de diferentes estilos (Románico, Gótico, Renacemento, Barroco...). Este taller serviunos para repasar todos os contidos de arte vista ata o momento, ao mesmo tempo que desenvolvemos a nosa creatividade á hora de presentar a información.

Cos alumnos de 4º da ESO elaboramos un mural sobre a Historia Contemporánea de España. Igualmente, puidemos repasar os contidos vistos ata o momento na aula e aprendemos a esquematizar a información, e a presentar os diferentes acontecementos nunha liña do tempo.

Sen dúbida o Festival de Libro do colexio foi todo un éxito!

Documental Segunda Guerra Mundial

Interesante documental sobre Hitler e a Segunda Guerra Mundial.

Datas exames segunda avaliación

Datas dos exames de Xeografía e Historia desta avaliación:

- 2º ESO B: xoves 19 de marzo.
- 4º ESO A: venres 13 de marzo.
- 4º ESO B: martes 17 de marzo.

Moita sorte a todos!

II Premio Estatuto de Autonomía de Galicia

Co obxecto de conmemorar o Estatuto de Autonomía, a Deputación de Ourense convoca o II Premio  Estatuto de Autonomía de Galicia de debuxo e redacción escolar. 

Este ano os estudantes da ESO elaborarán unha redacción baixo o tema “O Estatuto de Autonomía de Galicia: recoñecemento dunha nacionalidade histórica”. 

A data límite de presentación dos traballos é o vindeiro 18 de marzo.

Podes descargar as bases do premio aquí. 

Datas controis febreiro 2015

Datas dos controis da segunda avaliación:

-         -   2º ESO B xoves 12.

-         -   4º ESO A venres 13.

-         -   4º ESO B martes 10. 

Documental sobre a Primeira Guerra Mundial

Podedes repasar e ampliar o tema da Primeira Guerra Mundial con este documental contado en primeira persoa por un soldado francés.

Exames de recuperación

O exame de recuperación dos contidos da primeira avaliación da materia de Xeografía e Historia, tanto para alumnos de 2º como de 4º de ESO, terá lugar o vindeiro 12 de xaneiro en horario de tarde.

Felices festas a todos!

Bo Nadal e bo comezo de ano. 

Vémonos o día 8 de xaneiro, que teñades boas festas!

Os alumnos realizan diferentes murais para conmemorar os 180 anos de historia provincial

Co gallo da Segunda Semana Escolar da Provincia e a súa Deputación  os alumnos de Xeografía e Historia de 2º e 4º da ESO realizaron diferentes murais que conmemoran a historia da provincia de Ourense.

Por unha banda, cos alumnos de 2º da ESO organizouse un concurso “Ourense, unha provincia única” no que os participantes analizaron a provincia dende diferentes puntos de vista: xeográfico, turístico, histórico, administrativo e termal.

Doutra banda, os alumnos de 4º da ESO A e B realizaron o seu mural sobre os ourensáns ilustres e sobre as augas embotelladas ourensás e as súas vantaxes para a saúde.

Diferentes traballos de recerca e manualidades que sen dúbida axudaron aos alumnos a coñecer mellor a realidade e a historia da provincia.

Datas dos exames da 1ª avaliación

Asimesmo, aproveito para lembrarvos as datas dos exames de Xeografía e Historia desta avaliación:

- 2º ESO B: xoves 11 de decembro
- 4º ESO A: venres 12 de decembro.
- 4º ESO B: martes 9, xoves de 11 decembro.

Moita sorte a todos!

Material adicional para os alumnos de 4º da ESO

Déixovos información adicional sobre a independencia de Hispanoamérica. Espero que vos axude a comprender mellor o tema!

Causas:

• O exemplo da independencia dos Estados Unidos de América (xa estudiada).
• As novas ideas liberais de liberdade e igualdade, soberanía nacional, división de poderes… contrarias ao ordenamento do Antigo Réxime. Os líderes independentistas ou libertadores asociaban a independencia do territorio co establecemento dun réxime liberal.
• O baleiro de poder que se produciu durante a ocupación francesa da Península Ibérica. Nestes anos, os habitantes das colonias víronse obrigados a tomar decisións por sí sós, sen agardar ordes da metrópole. Isto fixo disminuír os lazos de dependencia coa metrópole e favoreceu as ansias de establecer un goberno propio.
• O descontento das minorías crioulas que vían na independencia un medio de liberarse do dominio dos peninsulares, que monopolizaban os cargos políticos e administrativos, e do control económico de España, que obstaculizaba o comercio e impoñía fortes cargas fiscais. Isto é, os crioulos sentíanse discriminados, malia que moitos deles gozaban dun considerable poder económico. 

Fases:

Os crioulos protagonizaron os movementos de independencia. Os indios, mestizos e os negros só apoiaron a independencia nas fases máis avanzadas e únicamente cando estivo asociada a reivindicacións sociais. Os crioulos, que tras as revolucións concentraron o poder económico e político, non cumpriron as promesas feitas aos indíxenas, que loitaron pola independencia, nin se lles concedeu a liberdade aos escravos negros. Así, a sociedade postcolonial naceu con grandes desigualdades económicas, que deron lugar a conflitos sociais. Tamén se consolidou o poder dos xefes militares e a constante intromisión do exército na vida política (golpes de Estado).

Concurso Constitución 2014

Un ano máis a Subdelegación de Goberno de Ourense organiza unha nova convocatoria do Concurso Constitución. O lema elixido para esta XXXI edición é: " De la Corona", Título II.

Os estudantes de calquera dos cursos de ensino secundario obrigatorio interesados en participar deberán presentar unha redacción, cunha extensión mínima de sete folios e máxima de doce, sobre a Coroa. 

Atención alumnos! O último día para entregar os traballos na Subdelegación de Goberno é o próximo 30 de outubro.

Animádevos! Se a vosa redacción se encontra entre as 20 mellores premiarásevos cunha viaxe a Madrid para visitar o Congreso e o Senado, ademais de realizar outras actuividades culturais e lúdicas. 

Esperamos a vosa participación.

Bases do concurso.

Introdución á materia 4º ESO

Ao longo deste ano centrarémonos no estudo da Idade Contemporánea, que comeza en 1789 coa Revolución Francesa. Co obxectivo de comprender mellor a orixe desta revolución, nas primeiras semanas de clase estudaremos o SXVIII, repasando as características do Antigo Réxime e o nacemento das ideas revolucionarias que xurdiron para rematar coa desigualdade e a inxustiza.

O obxectivo é que a final de ano a materia de Historia proporcione ao alumno un coñecemento global dos últimos séculos, necesario para entender o presente e para poder mellorar o futuro.